پاکستان سپر لیگ (پی ایس ایل) سیزن 7 کے آغاز سے قبل کوئٹہ گلیڈی ایٹرز کی ٹیم کو بڑا دھچکا لگ گیا۔پی ایس ایل کے ساتویں ایڈیشن میں محض ایک ہفتہ رہ گیا ہے تاہم کوئٹہ گلیڈی ایٹرز کے پانچ غیرملکی کرکٹرز اور کپتان سرفراز احمد کی والدہ اور اہلیہ کرونا وائرس سے متاثر ہیں۔
جیو نیوز کی رپورٹ کے مطابق پاکستان سپر لیگ کو بچانے کے لیے پی سی بی نے فیصلہ کیا ہے کہ اگر اسکواڈ میں شامل 20 میں سے 12 کھلاڑی بھی فٹ ہوئے تو میچ کھیلا جائے گا۔دوسری جانب بورڈ کی جانب سے کھلاڑیوں کے لیے ہوٹل میں ببل بنایا جارہا ہے جبکہ پہلی بارگراؤنڈ اسٹاف کو بھی گھر جانے کی اجازت نہیں ہوگی۔ گراؤنڈ اسٹاف کے لیےکراچی کے ہائی پرفارمنس سینٹر کو ببل میں تبدیل کردیا گیا ہے۔
پی ایس ایل7:کھلاڑی، آفیشلز آج سےبائیوببل کا حصہ بنیں گے
پاکستان سپر لیگ کے سربراہ عثمان واہلہ اور سینئر افسر عون زیدی کا بھی کورونا ٹیسٹ مثبت آنے کے بعد دونوں دس روزہ آئسولیشین میں ہیں جبکہ اعلیٰ عہدیدران آپس میں میل ملاپ سے گریز کررہے ہیں اور زیادہ تر میٹنگ آن لائن ہی ہورہی ہیں۔
واضح رہے کہ پی ایس ایل کے ساتویں ایڈیشن کا پہلا میچ 27 جنوری کو کراچی کے نیشنل اسٹیڈیم میں کراچی کنگز اور گزشتہ سیزن کے چیمپئن ملتان سلطانز کے درمیان کھیلا جائے گا۔پی ایس ایل7:شائقینِ کرکٹ کیلئے بری خبر
یاد رہے کہ سیزن 7 میں شرکت کے لیے کھلاڑیوں، سپورٹ اسٹاف اور آفیشلز آج سے بائیو سیکیورببل کا آغاز کرینگے، جس کے لیے تمام فرنچائز ٹیمیں آج سے کراچی میں رپورٹ کریں گی۔