Skip to content

اومیکرون سب کے گھروں پر دستک دینے والا ہے بل گیٹس

مائیکروسافٹ کے بانی بل گیٹس نے کہا ہے کہ اومیکرون سب کے گھروں پر دستک دینے والا ہے۔

بل گیٹس نے سماجی رابطے کی ویب سائٹ ٹوئٹر پر صارفین کو خبردار کیا کہ لوگ اب وبائی مرض کے بدترین مرحلے میں داخل ہو سکتے ہیں اور کورونا کا نیا وائرس اومیکرون ویریئنٹ سب کے گھروں پر دستک دینے والا ہے۔

انہوں نے کہا کہ ایسا لگ رہا تھا زندگی معمول پر آ جائے گی لیکن اب ہم وبائی مرض کے بدترین دور سے داخل ہو رہے ہیں۔ میں نے چھٹیوں کے اپنے بیشتر منصوبے منسوخ کر دیے ہیں کیونکہ میرے قریبی دوست اومیکرون کی وجہ سے تیزی سے متاثر ہو رہے ہیں۔

انہوں نے مزید کہا کہ اومیکرون ویرینٹ پہلے کے کورونا وائرس سے زیادہ تیزی سے پھیل رہا ہے اور یہ جلد ہی دنیا کے ہر ملک کو اپنی لپیٹ میں لے لے گا۔ ابھی تک یہ ظاہر نہیں ہوا کہ اومیکرون آپ کو کس حد تک بیمار کر سکتا ہے تاہم ہمیں اسے سنجیدگی سے لینے کی ضرورت ہے۔

بل گیٹس نے کہا کہ جب تک اس نئے ویریئنٹ کے بارے میں تفصیلات سامنے نہیں آ جاتیں ہمیں اسے کم خطرناک نہیں سمجھنا چاہیے۔ عالمی ادارہ صحت کے ڈی جی ٹیڈروس ایڈہانم گبریس پہلے ہی کہہ چکے ہیں کہ زندگی ختم کرنے سے بہتر ہے کہ چھٹیاں ختم کر دیں۔

%d bloggers like this: